1. ຫາຂໍ້ອ້າງ: ວິທີທີ່ຄົນມັກໃຊ້ຫຼາຍທີ່ສຸດກໍຄືການໃຊ້ຂໍ້ອ້າງໃຫ້ສົມເຫດສົມຜົນ ເພື່ອປະຕິເສດເຂົາທາງອ້ອມ ບໍ່ວ່າຈະເປັນ ການອ້າງທຸລະກິດບໍ່ດີ ລູກບໍ່ສະບາຍ ຫຼືບັນຫາຕ່າງໆທີ່ຕ້ອງໃຊ້ເງິນ.
2. ບໍ່ໃຫ້ຢືມແຕ່ໃຫ້ເລີຍ: ໃນກໍລະນີເພື່ອນສະໜິດຫຼືຄົນໃກ້ຊິດຂໍຢືມເງິນ ຖ້າຈຳນວນເງິນທີ່ຢືມມັນບໍ່ຫຼາຍຈົນເກີນໄປ ຫຼືຄິດວ່າຈະບໍ່ໄດ້ຄືນແລ້ວ ຖ້າເຮົາເຕັມໃຈໃຫ້ຢືມກໍປ່ຽນເປັນການໃຫ້ເຂົາໃຊ້ໄປເລີຍ ຍິ່ງກາຍເປັນມິດກັນຂຶ້ນກວ່າເກົ່າ.
3. ແນະນຳວິທີໃຫ້ໄປຢືມກັບຄົນອື່ນ: ເປັນການດີກວ່າຈົກເງິນຕົນເອງໃຫ້ເຂົາກໍຄືແນະນຳວິທີດີໆໃຫ້ເຂົາ ອາດຈະບອກວິທີການຢືມເງິນຈາກຄົນທີ່ສາມາດສະໜອງເງິນກ້ອນນັ້ນໃຫ້ເຂົາໄດ້.
4. ປ່ຽນເລື່ອງລົມກັນ: ຖ້າໃນວົງສົນທະນາມີການເອີ່ຍເຖິງການຂໍຢືມເງິນ ຊຶ່ງເຂົ້າທາງທີ່ເຮົາບໍ່ມັກແລ້ວ ແລະຮູ້ວ່າເພືອນຄົນນັ້ນຕ້ອງການຫຍັງຈາກເຮົາ? ໂອເຄ ຊັ່ນເຮົາຫາວິທີສົນທະນາເລື່ອງໃໝ່ໄປເລື້ອຍໆເພື່ອປິດໂອກາດນການສະເໜີຈຸດປະສົງຂອງເຂົາ ດີບໍ່ດີເຂົາອາດຈະລືມເລື່ອງນັ້ນໄປເລີຍກໍໄດ້.
5. ປະຕິເສດຕົງໆແບບສຸພາບ: ການເວົ້າໃຫ້ເຂົາເຫັນອົກເຫັນໃຈ ອາດຈະເຮັດໃຫ້ເຂົາຮູ້ສຶກເກງໃຈແລະບໍ່ກ້າຢືມເງິນຈາກເຮົາ.
6. ປະຕິເສດແບບບໍ່ມີມາລະຍາດ: ເວລາເຂົາເອີ່ຍປາກຂໍເຮົາພຽງມິດຟັງແລະເຮັດເປັນບໍ່ຮຸ້ເລື່ອງຫຼືຄິດວ່າໝູ່ເວົ້າຫຼິ້ນ. ຖ້າເຂົາສົ່ງມາຢືມທາງຂໍ້ຄວາມ ເຮົາກໍບໍ່ຈຳເປັນຕ້ອງເປີດອ່ານແລ້ວງຽບໄປເລີຍ.
7. ໃຫ້ຄົນອື່ນອະນຸມັດແທນ: ຜົວເມຍທີ່ໃຊ້ເງິນຖົງດຽວກັນ ຫຼື ລູກກັບພໍ່ແມ່ ເປັນການດີຖ້າຈະຕອບວ່າ ຂໍຖາມແມ່ເບິ່ງກ່ອນເພາະເງິນໄວ້ຢູ່ກັບແມ່ ເປັນຈັ່ງໃດລະຈັ່ງຊິຕອບເດີ້. ແບບນີ້ອາດຈະເຮັດໃຫ້ເຮົາມີເວລາຄິດຫາຄຳປະຕິເສດອີກກໍໄດ້.
ຈັ່ງໃດກໍລອງເອົາໄປໃຊ້ເບິ່ງເດີ້.
ความคิดเห็น